منتدى عربى شامل
 
الرئيسيةالتسجيلدخول

شاطر | 
 

 **انا جايلك**

اذهب الى الأسفل 
كاتب الموضوعرسالة
الملاك الحزين
Admin
avatar

عدد المساهمات : 154
تاريخ التسجيل : 08/09/2008
العمر : 25
الموقع : http://aya-lovestory.ahlamontada.net

مُساهمةموضوع: **انا جايلك**   الثلاثاء سبتمبر 16, 2008 12:32 pm

أنا جايلك

اقولك سرك المكنون
وافضفضلك
من القلب اللي مش بيخون
وهاضحكلك
واخلي الدنيا تضحكلك
وهافتحلك قلوب
الناس
وهالبس توبك الميت
وازوغ من هجمة الحراس
واغنيلك
وهاكتبلك
كلامك سحرك المجنون
انا مفتون
وبعشق نيلك المسكون
وهاطلع في السما السبعة
واجيبلك حتة م الجنة
وهاتمنى
وهارسم قلبي بالحنة
وهانده كل عشاقك
وهاحكيلهم عن الحب اللي يتغنى
عن الفجر اللي يستنى
عن النور اللي مش بيكون
خلاص ولا عدتي سامعاني
خلاص روحك
بتنساني
وانا والدمعة لقياني
وببكي ع الحيطان
أرسم مراسم دفن
وحراسك بينفوني
وكل يومين وع القلعة
وكرباجهم على
جسمي مولع
جلدي ميت ولعة
وما بيخف
وانا في حبك
بقول هانت
واضمد جرحي
بالضحكة واقول
بكره الجروح تنشف
وكل هلال بغنيلك
بناديلك
واوريلك على
ضهري اثار النفي
وادور في البيوت
ارسم حروف الضي
واعد الشق في كفوفك
وبشرب همي من جوفك
ومالك زي
وبلمح طيفك السهران
يعدي يكفن الميت
وحتي الحي
وكل يومين
افتش في النهار
عنك
وبندهلك
انا منك
انا النقطة اللي
تايهة جوه ملكوتك
انا سكوتك
في عز الدنيا ما تنبح
كلام الزيف
انا الضحكة
في وسط الكدب
والتخريف
انا موتك
لو اخترت
يفور دمي
على ترابك
سنابل قمح
أنا دموعك
ولون النوح
على دروعك
ويأسك
لما تتوضي
حطام الرمح
انا الذنب
اللي تكفيره
تشوفي الفجر
ونتواعد
ولما القاكي
في الضلمة
أنام واصحى
وعند لازوغلي
نتباعد
ونتقابل على جبينك
ف حوش الليل
وتحت السلم
اللي بيجمع العشاق
وبحكيلك
عن الغربة
اللي بتوسوس
خلاص عمري
وأنا عمري
ما هافتح
قلبي للسخرة
وهالضم ذلي
في سكوتي
بخيط موتي
وأعلقلك
حجاب الصمت
وحلمي بسيط
يكون بكره
في ليلة قدر
تكون الضحكة
مرسومة
على وشك
تمام البدر
ويحميكي
في وسط
العتمة
م الصقر
اللي ناوي
الغدر
ونتقابل
على
بحرك
اشوف سحرك
وترقيني
بنسيم الضهر
وتيجي تحلي
من كتفي
ومن صدري
عهود الندر
خلاص جايلك
أكيد جايلك
اعدي سورك
الضلمة
واصحيلك
عيون الفجر
الرجوع الى أعلى الصفحة اذهب الى الأسفل
http://aya-lovestory.ahlamontada.net
 
**انا جايلك**
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
lovestory :: منتديات lovestory الادبيه :: الكافيه الأدبى-
انتقل الى: